إستغاثة عاجلة من نائب مدير مستشفي الطوارى بسوهاج بسبب سماعات الغش داخل لجان الامتحانات

سوهاج - النهار نيوز - حالة من الغضب الشديد سيطرت على الدكتور/ محمد حسني ابوالدهب نائب مدير مستشفى الطوارئ بسوهاج بسبب انتشار الغش بالسماعات داخل لجان الامتحانات، وهو ما يتسبب فى خلل فى المنظومة التعليمية حيث يحصل من لا يستحق على درجات مرتفعة ،رغم مستواه المتدنى تعليميا ، فى المقابل تضيع حقوق الطلاب المتفوقين.
ورفع الدكتور محمد حسنى استثغاثة عاجلة لرئاسة مجلس الوزراء المصري ووزارة التربية والتعليم المصرية والمتحدث الرسمي لرئاسة الجمهورية ومحافظة سوهاج"

وقال الدكتور محمد حسنى فى منشور له على وسائل التواصل الاجتماعي "مش بحب اكتب كتير على السوشيال ميديا ومش بحب الترند والدوشة "
"النهاردة كان امتحان ابني في الثانوية العامة مادة اللغة العربية بيمتحن في مدرسة طارق بن زياد بجوار مجمع المحاكم (ش اسيوط - سوهاج)
"النهاردة اللجنة كلها داخلة بسماعات ما عدا ٣ اولاد منهم ابني
بيغشوا عادي ومش زي ما بيقولوا انهم مانعين الغش
"وفي نص اللجنة دخلت لجنة فتشت اللجنة وعطلوا الولاد نص ساعة وطلعوا كل السماعات وعطلوا اللجنة نص ساعة كاملة ووتروا اللجنة والطلاب الملتزمين لان اللي بيغش مش بيفرق معاه "

"آخر ربع ساعة مشكورين ???? رجعوا السماعات تاني للأولاد عشان يكملوا غش"

واضاف حسنى قائلا "أنا تواصلت سابقا مع وكيل الوزارة ومع قيادات المديرية ولكن لا حياة لمن تنادي
أنا هروح اعمل محضر بالواقعة في قسم تاني محل الواقعة ومش هعدي الموضوع لأن أنا مطلبتش غير هدوء في اللجان وسيبو اللي يعك يعك ،أنا مكمل واللي يزعل يزعل"