صبح الصباح ” قصيدة عامية ”

بقلم _ احمد عبد العال قنديل

صبح الصباح يصبح
على خدود الياسمين

صبح الصباح يُسَبِّحُ
للمولي رب العَٰلَمِينَ

صبح الصباح يَسْبَحُ
فى بحور الحنين

صبح الصباح يطبطب
على كل حد حزين

صبح الصباح ينور
ضروب الشقيانين

صبح الصباح يطيب
يداوى المجروحين

صبح الصباح ينادي
على كل النعسانين

شدوا الحيل والهمه
ولا تبقوا كسلانين

الفطور يحب اللمه
اللقمة تكفي الملايين

يلا ي حوده شغل بزمه
عشان تعملك قرشين

ساعتها ابوك يخطبلك
حبيبتك بت عم آمين

وانت ي عم شنودة
مالك كدا شالين الطين

لا مش زعلان ولا شي
انا بحسب حسابي زين

قاعد فى عز البروده
مستني الحج احسين

نتكلم عن زمان شويه
نفتكر ناسنا الطيبين

باصين على مصر بلدنا
خايفين على كل المصريين

لا فتنه نفعت فينا
ولا فرقونا طول السنين

ولا منحه هتخلينا
نفرط فيكي يافلسطين