بنت شقية ”عامية”

هحكي حكاية بنت شقيه
حلوه صغنونه وبتعمل حركات

هكتب فيها قصيده عاميه

حوالي كده عشر صفحات

كل شويه تقوللي يا بابا
يجي كده حوالي خمس مرات

لها ضحكة اما بتضحكها
تلالي ف قلبي تقول نغمات

حد عنده بنوته كده زيي
نونايه حلوه ودمها شربات

كل شويه عماله تلاعبني
أصلها مجنونة وكلها حركات

شويه تغازل واتدلع فيا
وشوية تلاعبنى التعلب فات

يامحلي تفاح خدودها
ويامحلاها ومحلي الغمازات