والدة يوسف ضحية حمام السباحة تطالب بحقة

ماسكة صورته وبتطالب بحقه .. والدة يوسف ضحـ ـية حمام السباحة

والدة يوسف بتقول تاني يوم العيد قالي انا خارج مع اصحابي قولتله خليك يا يوسف قال لا انا خارج وراجع على طول، بتقول يدوب حد جالنا بالتوكتوك قالنا يوسف مرمي في حمام السباحة مش عارف ياخد نفسه، روحت اجري لقيته مرمي في الأرض والاسعاف عمال يحاول معاه

بعدين ركبوه عربية الإسعاف وروحت اركب معاه وأبوه كان معايا بس أبوه كان منهار بشكل كبير ومش قادر يركب وبحاول مع اللي واقفين حد يركب معايا الإسعاف يقولي اسيب حاجتي واجي اركب معاكي ليه اسيب حاجتي تتسرق

بتقول ابني مـ ـات نزلوا بوست امبارح أنه فاق طلعت اجري اشوفه الممرضة تقولي يا حجة ده زي ما هو اقولها لا بيقولوا فاق اشوفه لقيته زي ما هو، بيكدبوا علشان الناس تروح طب وابني خلاص راح، انا عاوزه يـ ـتدفن، اطمن عليه وحقه يرجع، أمه بتقول مرميين في الشارع من 3 أيام انا وأبوه متبهدلين ومش عارفين نعمل ايه كان نفسي يكون عايش حتى لو مرمي في المستشفى بس يكون قدام عيني

احنا عاوزين حقه اللي بتمناه ياخد حقه، اللي سابوه في المياة دول ماعندهمش عيال لما يسيبوا عيل يمـ ـوت بالشكل ده