تدخل سريع من نائب الدائرة هشام عبد الواحد… والكرة في ملعب التنفيذ

كتب: محمد جعفر

بعد حالة الجدل الكبيرة اللي حصلت بسبب إغلاق مستشفى الشبان المسلمين بقويسنا على خلفية واقعة وفاة مريضة بعد تعطل الأسانسيربها، واللي خلت الناس ما بين غضب وخوف على مصير الخدمة الطبية في المكان… حصل تحرك مهم على الأرض

النائب هشام محمد عبد الواحد عضو مجلس النواب دخل على الخط وتواصل مع اللواء عمرو الغريب محافظ المنوفية، مؤكداً إن المستشفى دي مش جديدة ولا تجربة… دي بقالها أكتر من 30 سنة في خدمة أهالينا، وليها دور إنساني وطبي كبير محدش يقدر ينكره
النائب كان واضح وصريح:
أهمية فتح المستشفى في أسرع وقت… وفي نفس الوقت، أي تقصير يثبت لازم يتحاسب عليه المسؤولين علشان الغلط ما يتكررش تاني، وحياة الناس تفضل خط أحمر
من جانبه، المحافظ وضّح إن التقرير أشار لتعطل الأسانسير لفترة ساعة، وإن الطبيب اللي كان مرافق الحالة من أطباء التكليف، مشيراً أنه تم نقل 7 حالات عناية مركزة لأقرب مستشفى كإجراء احترازي وكشف كمان عن وجود مشاكل في الحماية المدنية وصيانة الأسانسير، مؤكداً إن فتح المستشفى مرتبط بحل الأزمات دي بشكل كامل لضمان سلامة المرضى

???? المطلوب دلوقتي:
سرعة إصلاح… + محاسبة عادلة… = مستشفى تفتح وناس تطمّن