الصغنن كبر ”قصيدة عامية ”

بقلم- أحمد قنديل

كل لحظة وانتى ف قلبي
أحلي واجمل لحظة عيد

كل أما أشوفك وأنتى بتكبري
ببقى طفل من جوايا سعيد

أقول معقوله الصغنن كبر
أشوف نفسي فيكي بالتحديد

أيوه هي هي نفس الملامح
الطفل الشقي ابو مخ عنيد

قلبه مليان طيبه وحنيه
بيخبي الضحكة عامل شديد

ياسلام لما كانت تجري عليا
فرحانه بالعروسة وهدوم العيد

كل حبة عمالة تكبر حبه
خوفي عليها كل يوم بيزيد

أخاف مره ملاقيش سمكة
يخطفها فارس ويروح لبعيد

مش هعمل تورته وهليله
واطفي الشمع واقول عيد سعيد

لا لا دا أنا هقولك على سر أكبر
إنتى لقلبي أحلي وأجمل عيد