زمني طحني ”قصيدة عامية ”

بقلم - احمد قنديل

زمني طحني شقاني (شقني)
من غير معاد ولا ساعه
حملني الهموم أصرار (صُرَّر)

خد الحبايب ورماني
كواني بنار لساعه
بكاني بحور وانهار

وجع القلب من تاني
بجروح دوم لساعه (الي الساعه )
وسقاني كاسات صبار

قصدت النوم جافاني. قلت خطاي ف الساعه ( السعي ) صبحت عليل منهار

مجروح والجرح ورماني ( وارم )
وجسمي ع الدوام غالي ( بيغلي )
ك عدس غلين ف اقدار ( قدر )

بعدهم بقيت وحداني
العقل الذكي مني شات ( شت )
من الفكر هملني وطار

سكنوا التراب وجباني
نجوم خفيت وتلاشات (وتلاشت )
كانت ف الاساس أقمار

حضر الطبيب جاني
انا قولت هديك راشات ( رشوة )
وفسح في الأجل أمتار

قال ياك ياعليل جاني ( مجنون )
قام الطبيب وكتب راشات. ( روشتات )
بعد ما فزع الطبيب وثار

رجع طبطب عليا وواساني
وقال اللي راح ما يرجع تانى
هي الدنيا كدا يادوب ادوار

هي الدنيا كدا يادوب ادوار