بوشين.. حملة إعلامية جديدة يتبناها ٤ طلاب من جامعة MSA

كتب مجدي بكري
حملة إعلامية جديدة تحت عنوان "بوشين" قام بها أربعة طلاب في كلية إعلام في جامعة MSA.. يقولون عن حملتهم:
احنا بنشتغل على المرحلة الثانية من مشروع تخرجنا علشان نوعي الناس عن نتائج استخدام اللغة العنصرية ضد ذوي الإحتياجات الخاصة.
حملتنا "الكلمة ب وشين" هدفها نشر الوعي حول استخدام الإعاقات كعبارات مهينة/مزاح (مثل: أنت أعمى؟، إيه التوحد ده؟، أنت أطرش يبني؟).
احنا بنحاول نوضح للناس ازاي اللغة العنصرية بتأثر سلبًا على الأشخاص ذوي الاحتياجات الخاصة وعائلاتهم. المرحلة الأولى من مشروعنا كان فيها بحث مكثف عن المشكلة في مصر. البحث شمل أكثر من ١٠٠ بحث أكاديمي، ودراسة ميدانية على ٤٠٠ فرد. هدفنا الرئيسي من الحملة هو تشجيع الناس على توقف استخدام اللغة والعبارات دي من خلال عرض محتوى على وسائل التواصل الاجتماعي، إعلانات تلفزيونية، وإعلانات راديو
ده هيشجعهم على التفكير في الأشخاص اللي بتئذيهم الكلمات دي. احنا عايزين مجتمع يكون خالي من التمييز ضد الأشخاص ذوي الاحتياجات الخاصة، عشان اللغة التمييزية دي مش موضوع مضحك.