أحلى وردة ” قصيدة عامية”

بقلم: أحمد قنديل

أحلى ورده بين الورود شدتني

عودها الملفوف أحلى ما فيها

شفايف ورقها الحمرا خطفتني

بجمالها والندى اللي نسم عليها

الوان عيونها بالحنان سحرتني

ياوعدي م الرموش اللي فوقيها

خلتني حيران ما بين جنه ونار

لا قادر اقطفها ولا قادر اخليها

اشكي لمين أنا حبي وعشقي

والكل صم وبكم من حواليها

مش عارف أقول ولا اخبي

خايف م الناس ومن حكاويها

المشاعر اللي جوه ف قلبي

الله وحده هو اللي عالم بيها

قولتلها عطشان وعايز ميه

روتني يابوى من شهد اديها

رنات الخلاخيل خطفتني

تقول أنغام المزيكا وغناويها

أقدام الصبايا بالخلاخيل تحلى

واقدامها هى ياناس تحليها

ساعة م تهفهف بنسيمها عليا

الدنيا بتحلو بدبة خطاويها