كبرنا والله ياسعدية ”قصيدة عامية”

والله أنا خايف من بكره !
خايف أمشي ، الناس تنساني

كبرنا والله ياسعدية
كنتي تقولي إنت أماني

فاكره أما كنا نلعب بالميه ؟
وإتقولى إتبل الخلق آه ياني

أسكت وأقول جتنى الفكره
تقولي قول ياحكيم زماني !

كنا ساعتها يابت إعيال
بنزعل ونرجع في ثواني

شلت الهموم بدرى شويه
إنكويت والزمن سواني

لما الحمل مني مال
ضحكوا ولاد الزواني

قلت المبادئ هيه هيه
قالوا إنت من عالم تاني

حطيت إيدى على خدي
نزلت السوق ، عملت فكهاني

فضلت أدور على ودي
لقيت النوم م اليوم جافاني

مشيت في طريقي علطول
قولت يمكن أفوق من توهاني

قالوا باين عليه مهبول
قولت يبقى ربي عطاني

ياريت أكون مخبول
عشان مأزيش إللي أزاني

فى الهوا بقيت مسطول
‏وعدى العزول بعينو رأني
‏
‏عمل للفرح مزمار وطبول
‏سوى الفطير ف الضاني

بين لي سواد القلب والقول
نسي الفتيت ومسح الصواتي

أدى الدنيا ياسعدية
لما تدي وتملا للعويل الأواني

تخلي ولاد الحراميه
عايشين عيشه سلطاني

‏
‏
‏