السبت 3 ديسمبر 2022 04:59 صـ
النهار نيوز
  • جريدة النهار نيوز
  • جريدة النهار نيوز
  • جريدة النهار نيوز

رئيس مجلس الإدارة د. يحيى عبد القادر عبد الله

رئيس التحرير جودة أبو النور

أدب وثقافة

أحلى نجمة ف السما ” زجل”

النهار نيوز

يا أحلى نجمة ف السما بتلالي

عايز أغنيلك وأكتب ف حبك أشعار

عايز أقول لكل الناس اللي في قلبي
وأرجع أخبي وتنكوي مهجتي بالنار

عايز أقول بحبك ياروحي و عمري
أسكت م الخوف عليكى أبات محتار

لو خيروني مابين حبي ليكي
وبين الكون ، لحبك أكيد هختار

ياللى مليتي حياتي فرح وهنا
قلبك مخبي لكن العيون تقول أسرار

مخبيه بقالك سنين وعليهم سنه
متحمله جواكي من الهموم أنهار

صابره ومداريه وقدام الناس قويه
تصدقينى لو قلت منك عليكى بغار

بحسك جنبي جوايا فى حضني
ياريتك ياروحي معايا ليل و نهار

بس برجع كل لحظة أصبر نفسي
أخبي حبي وأقول ربك حليم ستار

نجمة السما ليل نهار