السبت 3 ديسمبر 2022 05:43 صـ
النهار نيوز
  • جريدة النهار نيوز
  • جريدة النهار نيوز
  • جريدة النهار نيوز

رئيس مجلس الإدارة د. يحيى عبد القادر عبد الله

رئيس التحرير جودة أبو النور

المقالات

إيهاب البدوي يكتب: مطلوب شريك لمشروع مضمون

الكاتب إيهاب البدوي
الكاتب إيهاب البدوي

أفكر في القيام بتنفيذ مشروع وأعرف انه سوف يكسب ذهب

قطعة أرض في الصحراء أقيم عليها مستشفي مجانين فيها اقسام

قسم مدد ع الشيزلونج وفضفض ودي سراير الناس تنام عليها ونجيب مجانين مش دكاترة هي إللي تسمع الفضفضة وانا عارف ان هيطلع منها درر

قسم تاني اسمه غرفة التنفيس ودي اوضه عازلة للصوت وفيها تمثال مطاط ممكن ياخد اي شكل انت عايزة شكل المدير بتاعك٠٠٠٠٠ مراتك جوزك ٠٠٠٠٠حماتك ٠٠٠٠٠٠٠٠ونسيبك مع التمثال ومعاك شبشب مقاس ٤٨

قسم تالت للرجالة فقط معاهم ريموت كنترول وتليفزيون وطبق لب وسوداني ونخليهم يغيرو الهدوم ويرموها ع الكرسي اللي جنب الدولاب عادي وكمان يرموا القشر بتاع اللب علي الارض براحتهم ويقلبوا القنوات براحتهم

قسم رابع للسيدات فقط فيه مول صغير ومعاهم روبوت بيتشحن سبع ساعات بيلف علي المحلات ويشيل الشنط وتاني يوم يستني الستات عشان يرجعوا اللي اشتروه امبارح

اوضة تانية هعملها للنضال وفيها اقسام
٨٣ وبراندي وشيفاز وهتعاقد مع حودة اللومانجي اشهر ديلر في صفط اللبن يرول سجاير للمناضلين واخليهم يسبوا للحكومة والمواطنين المختلفين معاهم في الرأي ولبعض
وشوية مجانين تانيين يسقفولهم ويقولولهم انت صح ومناضل وزعيم وعظيم
وهخلي الاوضة دي تحديدا بابها ع الشارع عشان البوكس لما يجيي بضهره

وعايز اجيب الراجل المسالم اللي كان بيطلع مع اسماعيل ياسين ويقوله مالك يا استاذ انا انيس كل وحيد وصديق كل مضايق
واسماعيل ياسين يرد عليه انت شكلك راجل عاقل انت مين؟
انا الإكس اللي مابيقفش في اي محطات
الراجل ده هخليه المدير
محتاج راجل اعمال يدخل معايا شريك

مشروع/مضمون