الشاعر فتحي سليمان يكتب: علي فين؟!

علي فين . علي فين ... ياحزين
لامم خلجاتك ورايح فين؟

خلاص نويت ع السفر ..
الكوتش الابيض فين؟

والهاندباج إتملت شريك ..وشوية منين

ليه السنط يطرح بلح .....وانا نخلي واجف ليه
وابن الغازيه فلح ...... وانا حظي مايل ليه

علي فين...علي فين... ياحزين
لامم خلجاتك ورايح فين ؟

سكرت مصنع الجلل من ورا رأس الصين
ليه المحلي عفش ... والبرّ اني ز ين

علي فين .....علي فين....... يا حزين
لامم خلجاتك ورايح فين؟

الفيزا شنجل يا ولد
سامحني يابو حطين
رايح بلاد الفرنج
ومش عارف طريقي منين

علي فين...علي فين.... يا حزين
لامم خلجاتك ورايح فين

رايح بلاد البلح من غير نوي ولا طين
والجهوه من غير وش ولا كافيين
علي فين ..علي فين ..يا حزين