نص وتعليق قصيدة ”مرار ”

نص وتعليق قصيدة "مرار " شعر أحمد حسن عمر

تعليق نقدي رمضان أحمد

"مرار"
كل حاجة اتمررت
مابقيتش حلوة ف طعمها
كل حاجة اتغيرت
مابقتش تشبة شكلها
لا الفاكة فاكهة ولا الطعام
ولا عاد في فرح ولا ابتسام
ولا حتى صادقين ف السلام
مع ناس بتعشق نفسها
مع ناس كمان يالل العجب
بتبيع صحاب من غير سبب
والرد أصغر م الطلب
والبنت تضرب أمها
لما الشباب
تعمل ضفيرة ف شعرها
والبنت تلبس بنطلون
مقطوع مبين جسمها
والناس خلاص مابقيتش ناس
صبحت بتكرة بعضها
بقت المصالح
هي عنوان الأصول
وخالفنا تعاليم الرسول
واللي يوم تحكيلة سرك
بعد ما تفضفض يقول
ويبيع حياتك كلها
كل حاجة اتمررت واتغيرت
مابقيتش حلوة ف طعمها
ضروري نرجع للكتاب
ونرجع الدين اللي غاب
نصلح وننصح ف الشباب
تعرف طريقها لربها.
التعليق
مرثية زمن
بايقاع موسيقى سلس خفيف قريب للنفس البشرية يدخل الشاعر أحمد حسن إلى القصيدة مستعرضا ما وصل إليه حال الناس والأشياء من طعام وفاكهة صارت ليست كما كانت وليست هي ويصل إلى تفسخ العلاقات الأسرية والإنسانية والسلوك البشري غير المنضبط' ويطرح حلا من وجهة نظره وهو العودة إلى الدين وسنة رسوله' واللغة في النص سهلة غير معقدة يغلب عليها أسلوب الزجل الجانح إلى النقد ويأتي النص متتابعا دون فواصل موظفا الايقاع الموسيقى القريب لأذن المستمع فالزجل بطبعه سماعيا أقرب منه مقرؤا.