نجم الجيل تامر حسنى يواصل دعمه للرحالة ريهام أبو بكر.. ويعلق :” تحد خارق لموسوعة جينيس ريكورد”

حرص النجم تامر حسنى، على دعم المواهب الشابة في جميع المجالات، وترسيخ دوره المجتمعى والانسانى بجانب دوره الفنى الناجح، حيث يدعم تامر حسنى الرحالة المصرية ريهام أبو بكر من خلال حسابه على إنستجرام.
ونشر نجم الجيل فيديو عبر صفحته الرسمية بموقع انستجرام للرحالة وعلق عليه قائلا :"لكل متابعين البطلة العظيمة ريهام أبو بكر شجعوها واطمنوا عليها كل شوية عايزين نبقى اصدقاء رحلتها العظيمة
دي هتلف مصر كلها على رجليها في تحدي خارق لموسوعة جينيس ريكورد هتمشي ١٧٢٢ كيلو من شمال مصر لجنوبها في ٢٢ يوم".
وأضاف تامر حسنى قائلا :"بدأت الرحله من معبد ابو سمبل يلا كلنا نشجعها وكل الشكر لوزارة الداخليه والشباب والرياضه وهيئة تنشيط السياحه على اهتمامهم الشديد بريهام ورعايتها طول رحلتها الشاقه معرفش ايه قوانين التحدي بس ياريت ريهام يكون معاها دكتور يشرف على رحلتها عشان سلامتها الصحيه، اللي عرفته انها من فتره للتانيه بتقراء تشجيعاتكم و تعليقاتكم".
وتابع نجم الجيل خلال منشوره :"ريهام قررت تعمل التحدي العالمي الخارق دا عشان تشجيع السياحه المصريه وتلفت النظر السياحي لمصر من العالم كله ان شاء الله قريب نتفرج على تكريم وفوز ريهام البنت المصريه العربيه الطموحة ونفرح بتشريفك لمصر على كل المحطات المصريه والعربيه والعالميه ونكون في استقبالك".