حلوة عمامة السلطان خطوة بخطوة

المقادير

250 غ زبدة طرية

بيضة كاملة وصفار بيضة

كأس غير ربع سكر

كأس غير ربع نشاء

فاني

نص مغرف خميرة الحلوى

حوالي رطل فرينة

العمامة

شيكولاطة بالحليب

الحشو

مكسرات محمصة ومرحية

حلوة الترك

نيسلي كراميل لجمع الحشو

التزيين

حبيبات صغير لتزيين

الطريقة

نحط الزبدة والسكر والنشاء والبيض ونطلعهم حتى يبياض الخليط ثم نضيف باقي المكونات وتجمع بالفرينة حتى نتحصل على عجينة طرية ومتماسكة نفتحها ونطبعها دوائر وندخلهم يطيبو

نحكم نذوب الشيكولة على حمام مائي ونضيفلها مغرف زيت فقط كي ذوب ندهن كامل مول لعمامة وندخلها للمجمد تجمد ثم نكرر العملية مرتين حتى تعود عندنا طبقة مليحة من الشيكولة

نجمل مكونات الحشو بالنيسلي ونعمر العمامة ثم نلصقها في الصابلي بشوي الشيكولة وندهن جوانب بالنيسلي ونزينهم بحبيبات ونقدمهم وبالصحة والهناء