د. كريم خطاب يكتب: سرعة الترسيب والفوبيا منها وجدل المرضى

نطرح اليوم موضوع سرعة الترسيب والفوبيا منها والجدال مع المرضى كل يوم يمكن إيجاز هذا الموضوع في عدة نقاط:

. والله العظيم مافيش مرض اسمه سرعه ترسيب .
. سرعة الترسيب عرض وليست مرضا فى ذاتها مجرد مؤشر أن في التهاب في الجسم في أي حاجة مش لازم في العضم أو المفاصل عادي ممكن دور برد يعلي سرعه الترسيب .
. مافيش حاجة اسمها علاج لسرعة الترسيب.
. مافيش حاجة فى الطب إسمها أنت عندك سرعة الترسيب عالية يبقى تاخد حقن بنسيلين طويل المفعول لشهور وسنين عشان ميحصلكش روماتيزم دي كلها مجرد خرافات .

. مفيش اي علاقه بين سرعه الترسيب لوحدها والروماتيزم
للاسف بعض المعامل تظلل سرعة الترسيب بلون مخالف حتى مع ارتفاعاتها الطفيفة والمريض ينزعج جدا ويلجأ للطبيب والموضوع كله مفيش حاجه
المرأة الحامل مثلا سرعة الترسيب بتعلى عندها والأنيميا تسبب ذلك وأى التهابات من أى نوع سواء في المفاصل أو غيرها يعمل كده .

. رجاء وضع التحليل فى حجمه الطبيعى وبلاش حالة الذعر والهلع اللى عند الناس ده مجرد مؤشر للالتهابات و معدل تحسنها ليس أكتر .
دمتم بصحة وعافية.

.......................
العنوان : الأردنية مول الصباح المدخل الرئيسي
الكشف مجانا لغير القادرين.