الأربعاء 1 ديسمبر 2021 12:27 صـ
النهار نيوز
  • جريدة النهار نيوز
  • جريدة النهار نيوز
  • جريدة النهار نيوز

رئيس مجلس الإدارة د. يحيى عبد القادر عبد الله

رئيس التحرير جودة أبو النور

المقالات

الكاتبة هالة البشبيشي تكتب: الموبايل والجريدة

هالة البشبيشي
هالة البشبيشي

تصفح الفيسبوك صباحًا يعادل الجريدة زمان بالنسبة لي " مع التحفظ"
في عناوين تستفزك فتكملها لاخر كلمة حتي لو وراك شغل مستعجل.. وعنوان تمر عليه ولاتفتكره مجرد ماعينك مرت عليه خلاص..
قرأت بوستين قدرًا جم ورا بعض علي الهوم عندي.. الاتنين لشباب نفس السن، والموهوبة، وربما التخصص وظروف الحياة
البوستين ملاقتش اي كومنت يعبر عنهم او مناسب للرد عليهم بس السبب مش واحد
احدهما خلص الكلام في حلاوة حرفة ومعانيه وتواضعه المشهود له.. متلاقيش رد اللي هو أكاد من فرط الجمال أذوب حاجة كده تفتح النفس ومع ذلك لا يبالغ ويجد ان الكتابة بالنسبة له متعة .. يستمتع بما يكتب كاستمتاعه بكوب من مشروب دافئ يحبه وقت البرد وسقوط المطر.. طعمه وحلاوته وقتها بس.. شرب والكوب فضي.. خلاص
يغسل او يرمي الكوب مش مهم
لذلك استمتع بالطعم والحالة .. وانا استمتعت بشرحه لها او حكيه عنها.
التاني رتب وعصر اعصابه واستني البرد والمطر ومتوقع عواصف ورياح والكوبايه ممكن تتدلق علي ورقه.. او يشربها بسرعه فتلسع لسانه وممكن مايلاقيش بن تاني ووووووو … كل معوقات الدنيا متوقعها
ده كمان ملوش كومنت مناسب ينفع معاه
الخلاصة:
لو بتكتب لمتعة شخصية، وحب للكتابة والحالة اللي بتجدها معاها.. ماتهتمش مين وامتي هايقرا اللي بتكتبه.. محدش بيجري وراك
دي متعتك انت ولو حبيتها هاتحبب غيرك فيها
لو بتكتب اكل عيش.. بلاش تدوشنا بمشاعر وحظ وناس مضطهداك.. اشتغل
اشتغل كتير واعمل علاقات واخسر عادي.. اخسر وانت عارف انك رايح لنقطة بداية هاتفرحك مهما كان حلمك بعيد هاتوصل له لو بالك طويل ويقينك بالله حقيقي .. مش مجرد بوست

183303e0a07933e6944599af135ccd8f.jpg