الشاعرة إيمان الشافعى تكتب: بنت جدعة

()

أنتي يا حلوة يا قاعدة هنا

بتكلم عنك متتلفتيش

وعن غيرك متدوريش

عن الشهامة والأصالة

يتقال فيكي موال

وبنت أصول شايله أسم أبوكي وجدودك

وصاينة عم وخال

بنت جدعة وفيكي

غنوا يجي ميت موال

تتحدي الفقر

وفي الغنا ولا عمرها تتغر

ومحدش يعرفلها سر

في وقت الصعب سدادة كما الرجال

وفي العشق ملاك بلا جدال

ولو أنت ديب واقف ورا السور الحديد

متحاولش

الحكاية أصلا متستاهلش

الأسود بتواجه ومتتاكلش

أبعد يا ابني عنها وبشراستها متستهونش

وأوعى تفتكر الأنوثة والشراسة متتجمعش

ولا يغرك شفايف روز وعيون دباحة متتقاومش

وقت الجد هتشوف الوش المتلون

سبحان من خلقة بفتنة وبراءة ولطف

بالوان الطيف السبعة غرقان في العنف

يا درس في كل كتاب

يا ساكنة في أعلى البرج

علميهم يا بنت يا جدعة

إيه معنى الحب ؟

مش مجرد كلام ومسكة إيد

وميعاد بالشوق بيزيد

الحب يقين

موت وأنين

الحب وعد كما الدين

والقبلة لا تجوز على ملة الشافعي

وأبن حنبل والمالكي وأبو حنيفة

وحتى التابعين

فمتقلش أصلي غيرهم

وبخاف عليكي من حبة هوا طايرين

الخوف بجد إنك متلمسنيش

ومتعلمش بيني وبين ربي سد

ولو راجل بجد

قبل ما تقول بحبك وتستنى مني رد

خبط على باب بيتنا وقولهم بجد

أنا عايزها مراتي وأم عيالي وقابل بأي شرط

سمعني يا روميو ؟

هوا ده الحب اللي بيقين

وأفهمه أنا وكل بنت هنا من اللي قاعدين

إيه يا بنات متفقين

ولا ؟

شكلنا كده متفقين

ولا حد عنده رأي تاني

من الموجودين ؟!!!!!!