هاجر احمد: أهلى كانوا رافضين التمثيل فى البداية وكنت برمى ملابس التمثيل من البلكونة وأخدها تانى بعد ما أنزل 

قالت النجمة هاجر احمد انها تحب الكتابة جدا و طوال الوقت مهتمة بان اتابع كل الافلام و المسلسلات من الثقافات المختلفة عننا مثل الافلام من باكستان و ماليزيا و افغانستان ، وايضا بحب الافلام الغريبة و التاريخية .

وتابعت هاجر خلال حلولها ضيفه مع الاعلامي شريف الليثي ببرنامج " حوار اون لاين" ويذاع في الساعة ٥:١٠ قبل الافطار يوميا باذاعة الشرق الاوسط ، انها لم تتخذ قرار انها تنشر كتابتها ، و ان معظم كتابتها قصص و رويات .

و تابعت هاجر ان اكثر الاشياء التى تشعرها بالسعادة على السوشيال ميديا هى تعليقات الفانز ، و لم بكون زعلانه او متضايقه باخد عربيتى و اروح مكان اقعد فيه لوحدى و اشوف تعليقات الفانز اللى بتخرجنى من مود الزعل ده بسرعة و اقعد ارد عليهم ، و من اكثر الاشياء اللى بتألمنى على السوشيال ميديا الجرائم و تعذيب الاطفال و تعذيب الحيونات .

و اشارت هاجر انه من الحاجات اللى بتضحكها اوى اخواتها و خناقتهم مع بعض كل واحدة فيهم متزوجة و ليها دماغ و افكار مختلفة ، فلما بيتجمعوا بيقلبو الدنيا ، و اكثر شيئ بكرهه انى ابقى فى شغل اوى اى مكان وشخص يجيب سيرة حد امامى ، و اصعب موقف مر عليا فى حياتى هو وفاة والدى ، و من المواقف الحلوه الكتير فى حياتى هى كل لحظه كنت بمضى فيها عقد عمل جديد بيسيب لى ذكره حلوه و بقعد اتكلم عنها .

و اضافت هاجر ان اهلها فى بداية الامر رفضوا انها تمثل ، و كنت بروح اعمل ادوار من وراهم ، وكنت ارمى هدومى من البلكونة على الارض و شنطة الهدوم علشان محدش ياخد باله منى و انزل اجمع الهدوم تانى و اخد تاكسى و اروح التصوير ، و لما يجى ميعاد عودة للمنزل اقول ليهم انا خلاص لازم امشي .

و اشارت هاجر الى انها عادة ما تحكي اسرارها بنسبة ٣٠ ٪؜ فقط و باسورد حياتها مع امها ، ووجهت رسالة لجمهورها " كل سنة و انتم طيبين و فى ظهرى دائما .

يذاع برنامج " حوار اون لاين" في الساعة ٥:١٠ قبل الافطار يوميا باذاعة الشرق الاوسط ويعاد في الساعة العاشرة صباح اليوم التالي