البيجامة الكستور

قصيدة للشاعر أحمد دياب

من غير أحكام ولا دستور
وحشتكوا البيجامة الكستور؟
ولا وحشكوا خرطوم العبور؟
آه لو تيجي ساعة الصفر
هتشوفوا شعبنا كله طابور جيش
بيحارب زي النسور

نسيتوا المقاومة الشعبية
نسيتوا السكينة والساطور
السويس، إسماعيلية، بورسعيد
سيناء والصعيد ودمنهور
اثبت مكانك لزلزل كيانك
والبس كبيرك بيجامة كستور

اللي يفكر يوم يعادينا
هنكتب نهايته في سطور
ربنا رب قوي وجبار
وجيشنا بربه جيش منصور
واللي مفكر جيشه لا يُقهر
هنخليه مذلول مكسور

مصر حافظها رب الكون
رب العدل ورب الكون
إنتوا ولاد إبليس في الأرض
مليتوا الأرض فساد وشرور
يوم ما تفكر تاني تعادينا
تلبس تاني الكستور