الشاعر د. بكري درديري يكتب: ماتبعديش

مَا تِبْعَدِيشْ... مَا تِبْعَدِيشْ
مِنْ غِيرِكْ مَا أَقْدَرْشْ أَعِيشْ
خَلِّيكِ قُرْبِي... خَلِّيكِ لِيَّا
دَهْ إِنْتِ عُمْرِي... وَأَغْلَى مَا لِيَّا
لَمَّا تِغِيبِي... اللِّيلْ… يِطُولْ
وِالْقَلْبْ مِنْ بُعْدِكْ مَا لُهْشِ حُلُولْ
أَسْهَرْ أُنَادِي... وَأَقُولْ: يَا عِينْ
ارْجَعِي لِيَّا... وَبَلِّلِي الْعِينْ
مَا تِبْعَدِيشْ... مَا تِبْعَدِيشْ
مِنْ غِيرِكْ مَا أَقْدَرْشْ أَعِيشْ
خَلِّيكِ قُرْبِي... خَلِّيكِ لِيَّا
دَا إِنْتِ عُمْرِي... وَأَغْلَى مَا لِيَّا
إِنْتِ الْأَمَانْ... وَإِنْتِ الْحَنَانْ
وَإِنْتِ فِي قَلْبِي أَحْلَى مَكَانْ
لَمَّا بِتِضْحَكِي... الدُّنْيَا تِحْلَى
وَلَمَّا تِبْعَدِي... رُوحِي تِتْعَبْ
خَلِّي إِيدِكْ…جَنْبْ إِيدِي
وَخَلِّي حُبِّكْ... دَايِمْ نَصِيبِي
مَا تِسِيبِينِيشْ... وَحِيدْ لِلشَّوْقْ
دَهْ أَنَا بِقُرْبِكْ... بَحْيَا وَأَذُوقْ
لَوْ كُلُّ دُنْيَا... تِبْعَدْ عَنِّي
إِنْتِ اللِّي فَاضْلَة... لِي فِي زَمَنِّي
قَلْبِي اخْتَارِكْ... مِنْ بِينْ مَلْيُونْ
وَقَالْ لِي: إِنْتِ... أَجْمَلْ مَا يَكُونْ
مَا تِبْعَدِيشْ... مَا تِبْعَدِيشْ
مِنْ غِيرِكْ مَا أَقْدَرْشْ أَعِيشْ
خَلِّيكِ قُرْبِي... خَلِّيكِ لِيَّا
دَا إِنْتِ عُمْرِي... وَأَغْلَى مَا لِيَّا
مَا تِبْعَدِيشْ... مَا تِبْعَدِيشْ
مِنْ غِيرِكْ مَا أَقْدَرْشْ أَعِيشْ