طريقة عمل فراخ جوسي

شاديه عبدالله

محلول نقع الفراخ
(ميه ومعلقتين كبار ملح ومعلقتين سكر وربع كوبايه خل ولميونه) لازم الفراخ تتنقع ف المحلول ده لمده نص ساعه لانها بتساعد انا تشيل اي زفاره ف الفراخ وبتسحب الدم من العضم وبعد مرور النص ساعه بنشيل الفراخ ونغسلها كويس جدا

تتبيله الفراخ
انا استخدمت وراك انتو ممكن تستخدمو فرخه كامله عادي او دبابيس اللي تحبوه ومتوفر عندكم
(ملح حسب الرغبه + 2 معلقه شاي بهارات فراخ +معلقه شاي صغيره توم بودر +1/2 م ص قرفه وكزبره ناشفه +1/4م ص جنزبيل +رشه جوزه الطيب + حبهان مطحون + 2 م طعام كاتشب +علبه زبادي صغيره )
عشان فراخ التكا لونها بيبقي احمر هنضيف نقطه لون طعام احمر
لو معندكمش حبهان مطحون هتجيبو حبيتن من الحبهان وتفتحهوها وتاخدي الكور اللي جواه وهتجيبو الهون وتطحنوهم وتستخدموهم
لازم نعمل شقوق ف الفراخ عشان تبقي الفراخ شاربه من التتبيله
هنخلط كل البهارات مع الكاتشب والزبادي وبعد ماغسلنا الفراخ كويس جدا ننزل بيها ف التتبيله ونغلفها كويس جدا ف التتبيله ونسيبها ف التتبيله لمده ليله كامله

طريقه التسويه
هنجيب شبكه ونرص عليها الفراخ وتحتها صيينه فيها ميه مهمه جدا الخطوه دي لان بتخلي الفراخ متنشفش وتبقي جوسي جدا
وتدخل ع شبكه الفرن ف الرف الاوسط لمده ساعه او حسب فرنك