الكاتبة علا النشار تكتب: عفريت حماتي!!

جوزى قالى إن خالته جايه من الصعيد تقعد عندنا كام يوم ....وبما إن حماتى متوفية.. فاكيد اختها هتقعد عندى علشان كدا جهزت لها الأوضه بس هى صممت انها تقعد فى شقه الضيوف تحت
أصل البيت كله ملك جوزى لأنه كان وحيد أبوه وأمه.
فا احنا عاملين الدور الاول للضيوف وشقه حماتى الله يرحمها فى الدور التانى وشقتى أنا فى الثالث ....جات بالليل قعدت معانا شوية......وبعد كده نزلت علشان تنام ...الغريبه انى ما شفتش وشها طول مانا قاعده ....لأنها منتقبه وما رفعتش النقاب طول ماهيا قاعدة خالص حتى عنيها مش باينه ولبسها كله اسود
يعنى عبايه سودا وخمار اسود ونقاب اسود وجاونتي اسود وفى حاجه شفافه على عنيها مغطيه عنيها كمان ....وما اتكلمتش طول القعده ......كانت بتهز رأسها وبس!!
عرفت من جوزى ان زورها وجعها ومش قادرة تتكلم .

جوزى بليل بعد هيا ما نزلت قالى اجهز الغدا بكرا فى شقه حماتى لانها عايزه تقضي اليوم فى شقه اختها ....
بعد جوزى ما نام قولت انزل الخضار والحاجه تحت فى الشقه واجهز الا اقدر عليه علشان بكرة يبقي الباقي سهل
لانى هعمل محشي ...
المهم خد الحاجه ونزلت تحت الشقه ولسه بفتح الباب سمحت حركه جوا .....قولت اكيد بيتهيألى انا حماتى وحمايا ميتين وانا مجهزه شقه الضيوف لخاله جوزى ونزلت معاها لحد تحت وهى نازله تنام وجوزى نايم ...يبقي اكيد انا بيتهيألى ....سميت الله ودخلت ...ببص لقيت اوضه المرحومه حماتى بتتفتح وحماتى خارجه منها ...
نفس الجلبيه الا كانت بتنام فيها ديما نفس الشبشب حتى نفس الشكل ....لقيتها بتبرقلى وبتقولى انتى ايه جابك هنا دلوقتى ...احييييه حتى نفس صوت حماتى بس فى بحه فى صوتها خالت صوتها مرعب اكتر .....انا اتخشبت وبرقت وقعد اصوت ...وخرجت جرى من الشقه ...اتلغبط بدل ما اطلع فوق نزلت جرى على الشارع وعفريت حماتى ورايا
اول ما خرجت من البيت فضلت اصوت واقول عفريت حماتى بيجرى ورايا ....اول ما عفريت حماتى خرج من البيت
الناس كلها بقت تبسمل والرجاله عملوا دايرة حواليها وقعدوا يقروا قراءن بصوت عالى والعفريته تصوت وهما يقروا اكتر
ويعلوا صوتهم ....لحد ما لقيت جوزى خارج جرى من البيت
قولتله عفريت امك طلع ......ما ردش عليه ودخل جرى على عفريت امه وراح واخدها فى حضنه ...الناس بقت تقول
الراجل اتجنن من الصدمه وانا اقوله ياقلبي دى عفريت
ابعد لتأذيك واصرخ فيه علشان يبعد عنها ...لحد ما اخيرا نطق وراحومزعق فينا كلنا وقال عفريت اى دى خالتى
اتارى خالته تبقي تؤام امه وانا ما اعرفش ...
وبليل بعد ما قالت هنزل انام. قال ايه وحشتها اختها فتحت الشقه بالمفتاح الا كانت واخداه من جوزى وانا ما اعرفش وطلعت لبست جلبيه اختها والشبشب ...واستغربت من نزولى بليل ...
المهم دلوقتى انا عند ابويا غضبانه وخالته جوزى حالفه عليه لو ما طلقنيش مش هتعرفه تانى ....اصل قعد اضحك عليها وعلى شكلها لما كانت الناس بتقرا عليها قراءن مفيش حد فيكم يجى يتوسط للصلح.. اه نسيت اقولكم لما جوزى جابها وجه علشان اعتذر لها اول ما شفتها قعد اضحك لحد ما صينية الشاى ما وقعد منى.