الاعلامية سمر محمد تكتب: ما تتفاجئش

ماتتفاجئش من نفسك لما تاخد قرارات دلوقتي ماكنتش تقدر تاخدها زمان ..
إحنا بنتغير طول الوقت و ده مالوش دعوه بالسنين اللي بتعدي و سنك اللي بيكبر ..
ده ليه علاقة ب التجارب اللي بتعدي بيها و الأزمات اللي بتقابلها و قابلية عقلك للنضج ..
ياما ناس سنها صغير بس عقلها يوزن بلد
و ياما ناس سنها كبير و مابتعرفش تاخد أي قرارات

يبقى إحنا بنتغير طول الوقت و دي حاجه طبيعيه جدااا لأنك لو مااتغيرتش و فهمت و اتعلمت من دروس الحياة اللي بتاخدها طول الوقت يبقى إنت عندك مشكله

اللي بتحبه زمان مش شرط تبقى بتحبه دلوقتي
حاجات مكنتش بتخاف تعملها بقيت تعملها عادي
ماكنتش بتحب الهدوء دلوقتي بتهرب من الدوشة
زمان كان عندك طاقة للمناهده دلوقتي مجرد مابتحس إن في جدال هيبدأ بتقول:
صح ، إنت عندك حق و تنهي الحوار
زمان كنت بتتكلم قبل ماتفكر دلوقتي إنت بتتفرج و إنت ساكت و راسم إبتسامه
زمان كان يفرق معاك مين قال عليك إيه
دلوقتي ممكن تبروزله اللي بيقوله و تمضي عليه
و حاجات كتير اووووووووووووووي
إنت كده بقى بتبقى بتعدي بمراحل #النضج
النضج اللي بيغيرك للأحسن و للأروق

ماتتفاجئش عشان اللحظه اللي إنت فيها دلوقتي هتبقى زمان كمان شويه ..
ف زمااان مش معناها سنين كتير ..
زمان ده ممكن يبقى الشهر اللي فات ، او الإسبوع اللي فات أو إمبارح.