ياسلام يابوي على الضحكة ” قصيدة عامية”

بقلم- أحمد قنديل

*كل ليلة بفضل صاحي أشكيلك.
ألمي ووجعي ، وانا قلبي حزين.

*مهما اوصفلك يابوي واحكيلك.
عيوني من غيرك مش شايفين !

*مهما أقول واكتب فيك أشعار .
حبك يابوي محتاج دواوين.

*مش عارف بعدك أنا عشت إزاى.
أنا في الدنيا وانت تحت الطين !

*ياسلام يابوي على الضحكة.

لما كانت تطلع تطرح بساتين .

*واما كنت تقول يا واد أسمعها .

تهز كياني بصوت حلو حنين.
‏
* ‏أحس ساعتها إنك ديما جنبي .

‏لا والله ، أحس معاي ملايين .

*حتى ف تعبك واقف تضحك.
جايب الشدة دي بس. منين ؟

*عمال تضحك ومخبي. عليا.

مش كان بينا كلام وتفانين.

*تزعق واتقول ياولد. تعالوا.

إديهم ياد قرشين قرشين.

*كنت إستنى علينا شويه.

أما تكبر بسمة وأخوها حسانين.

*خدتني الدنيا ، ومشبعتش منك.
تحتك يابوي أيام وسنين .